Admin
Admin
عدد المساهمات : 279
تاريخ التسجيل : 25/02/2013
 | موضوع: يالخليتني  الثلاثاء مارس 05, 2013 4:14 am | |
|
يالخليتني؟؟
وبكلبي انه مخليك
بصدري تعاركن عطرك وعطابه
بين الي يجيني
وبين لا ميعود
وبين الخان ولفه
ويوفي لحبابه
ظنوني اتكافشن من روسهن بجفاك
وماكو براسي شيخ يفض الطلابه
واني شبدر مني وهيجي بيه يصير
عفتني بحاله ماتوصفهه الكتابه
مثل النكسر جنحه وعافه سربه وراح
فرفح طار كوه وطيحه صوابه
يفك جنحه ويهد حيل ويرجعه الروج
بعد روجه قويه ويوصل الغابه
عفتني بليل لابي كمر لانجمات
اليضون بيه بس عيون الذيابه
وتره انته العايفه ماحصل مواساه
كبل متعوفه خايب عافته صحابه
وكام الباب من يندك
يحضر فلوس
لان بس اليجدي يوصل لبابه
وحده ... وذكرياتك ماتعبره الليل
شتسوي الصوره للماشايف احبابه
طفل جاع على صدر امه
شتذبله العاب
هو الماتت امه تسكته لعابه؟؟
يجتالي البعيد العابر النيشان
شما يبتعد قوسك يقوه نشابه
حنة فاو جرحي وقلبي جف عريس
وطرشتني الهلاهل ساعة مصابه
ويمر طيفك على عيوني
وفرحتي تصير
فرحة عانس ومروهه خطابه
وامر اني ويبشرونك حبيبك جاي
وتتلكه البشاره بكلمة
شجابه !!!
عيوني مغوركه وشماتي ترس الباب
كثروا والهجر ماحاسب حسابه
جوابي للنشد علحال بلعة ريج
ويفتهمون ولفي مطول غيابه
عتك جرحي وينشدوني شعجب ماطاب
والجمنه واكلهم حار بصوابه
ويكلولي قديم تراب صاير بي
واكلهم لا جديد وبعده بترابه
وانه ورده عفيفه بلمسه اشوف الموت
وجفهم مو حلكهم طلع انيابه
لذلك كمت اشوف الباب عني بعيد
وردت نكاط حبنه يمرني بسحابه
مثل كلمة خطيه منحبس ظليت
شيطلعهه من حلوك سلابه
اقشمر روحي ترجع
يلجزيت الكاع
اليتاني بلا امل
يختنك بعتابه
رحت روحة شرف
مايرجع من يروح
للعشره
وترد بنيه حبابه
للمبدع
رائد ابو فتيان
[size=21]لسماع القصيده اضغط هنااااااااااااا [/size] | |
|
